شو رأيك بوظيفة بتعطيك ٥٠٠ ألف ليرة سورية بالشهر مقابل شغل ساعة بالنهار يومياً؟ القصة مو اختراع على فكرة … خلينا نشرحلك شلون

 

برنامجنا … الخدمات المنزلية الذكية .. ويلي متوفر على صفحتنا الرئيسية بنسختو التجريبية، هو عبارة عن دليل شامل لكل الخدمات يلي ممكن تحصل عليها من جوات بيتك ويلي بتتوفر بمنطقتك. المستخدم داخل المنزل بشغل البرنامج وبيعرض عليه قائمة بكل مزودي الخدمات بالمنطقة مع تقييم لكل واحد منهن ومع حساب المسافة يلي بينو وبينهن. وشغلة المندوب هي أنو يتواصل مع مزودي الخدمات بالمحافظة يلي بيشتغل فيه ويعرفو على فائدة الاشتراك بهالدليل والتسويق لشغلو على هالمنصة يلي حتصير قريباً الطريقة الوحيدة لتحصل على خدماتك المنزلية من خلالها

 

كل مندوب مطلوب منو شهرياً ١٠٠ مشترك (أو ما يسمى بمزود خدمة) ويلي هو يعادل ثلاث مشتركين يومياً فقط. مقابل هالاشتراكات السهلة التحصيل نسبياً لح نعطيك ٥٠٠ ألف ليرة شهرياً (بعد انتهاء الفترة التجريبية والتي يقتصر فيها راتبه على ٢٥٠ ألف ليرة سورية فقط). لكل مشترك فوق هاد الرقم لح نعطيك ١٠٠٠ ليرة سورية وبدون سقف للعمولة، ويلي بشكل ثلث قيمة الاشتراكات فوق هدف المبيعات. منتوقع أنو يكون هاد التعويض أكثر من كافي مقابل شغلة ما بتتطلب أكتر من ساعة شغل بالنهار. في حال عدم تحقيق هدف المبيعات يحصل المندوب على نسبة من مبيعاته فقط وتقدر بنصف الإيرادات

 

وظايفنا عموماً مفتوحة لكل الناس من جميع الجنسيات والأعمار والأعراق … كل شي بهمنا أنك تكون مهتم بالشغل وعندك قدرة عالإقناع ونحنا منوعدك أنو هالشغل لح يهتم فيك. التقديم بكل بساطة ممكن يكون عبارة عن رسالة بسيطة بتوجهلنا ياها عن طريق الاستمارة الموجودة على موقعنا ومالك محتاج لسيرة ذاتية. نحنا منؤمن أنو الإنسان بيقدر يسوق لحالو بدون سيرة ذاتية وغالباً السير الذاتية ما بتعكس أديش الإنسان جيد بعملو

 

ساعات العمل: الدوام حر. المندوب بحدد ساعات عملو بنفسو. المهم عندنا هو تحقيق هدف المبيعات الشهري بانتظام

الراتب: ٥٠٠ ألف ليرة سورية عند انتهاء الفترة التجريبية + عمولة على المبيعات فوق حاجز الهدف الشهري مقدارها ألف ليرة لكل مشترك جديد

الفترة التجريبية: تمتد لمدة ٦ شهور لإثبات قدرة المندوب على إنجاز العمل المطلوب لفترة معقولة من الزمن يتم خلالها إعطاء مبلغ ٥٠٪ من الراتب شهرياً لتمكين المندوب من تغطية مصرايفه الشخصية ومصاريف العمل خلال الفترة التجريبية

الحوافز: مبدئياً تقتصر الحوافز على إجازة سنوية لمدة ٣٠ يوماً مدفوعة الأجر، لكن نخطط لإضافة حوافز أخرى لاحقاً بعد انطلاق العمل