#إعلان_هام_وعاجل_وضروري
بدنا مندوب او مندوبة مبيعات .
المواصفات المطلوبة:
-دمو خفيف لأن رح يداوم معنا نص نهار وما بدنا حدا سئيييل..😅
-بيحب القهوة مع هيل لأن منقسمين هلأ  وبدنا حدا يرجح الكفة لجماعة الهيل.. 😁
-بيعرف يكذب ويقول يتحمل العمل تحت الضغط.. الكذبة البيضا تبع المقابلات.. 🤪
-
 ابن حلال ويخلص الشغل عالوقت ومن دون ما يعل القلب ويجيب الضغط.. 😆
-انكليزيتو ع قدو مافي مشكلة جوجل ترانسليت بالخدمة..
-اه صحي.. الادارة بهمها يكون عندو قدرة عالاقناع و يحب العمل الميداني.. بس إذا توافرت فيك الصفات السابقة مندبرها بمعرفتنا 😉
لكل حدا او حداية توافرت فيه هالصفات وعم يدور ع راتب ابن حلال يسندو لعشرين الشهر.. الشركة بـريف دمشق و العمل عن بعد يعني مو شرط تجي عالمكتب .. شركة فريندلي دما خفيف وجوا ظريف ومانو سخيف..

العمل عبارة عن زيارات ميدانية للمحلات التجارية متل المطاعم و محلات الالبسة و المراكز الطبية متل العيادات و الصيدليات و شرح فكرة التطبيق تبعنا و اقناعهم يشتركو معنا